Ытыктабыллаах Ольга Ивановна Гуляеваны 85 сааһынан эҕэрдэлиибит!

Үгүс сыллар устата бары сыраҕын-эрчимҥин, өйгүн-санааҕын үүнэр көлүөнэни, эдэр ыччаты, бар дьоҥҥун кэрэҕэ, сырдыкка уһуйууга үлэлээн кэллиҥ. Норуот төрүт ииһин тилиннэриигэ сүрүн санааҕын, айар-тутар талааҥҥын, бары сатабылгын ууран үйэлээҕи уһанса, кэскиллээҕи кэҥэтиһэ сылдьаҕын. Айан-тутан таһаарбыт кэрэ үлэлэриҥ республикаҕа, дойдубут иһигэр, атын да дойдуларга көрдөрүллэн ситиһиилэнэллэр.

Убаастыыр, ытыктыыр киһибитигэр баҕарабыт этэҥҥэ буолууну, кытаанахтан кытаанах доруобуйаны, дьолу-соргуну, үгүс үөрүүнү-көтүүнү, энчирээбэт эрчими, сындалыйбат сындааһыны, ыраас сырдык халлааны. Эн сыаната биллибэт, ыйааһына көстүбэт үлэҥ өрүү махталлаах буолуохтун, иитэн-үөрэтэн таһаарбыт ыччатыҥ алгыһа эйиэхэ төннүөхтүн.

Санаабытыҥ сатанан истин, туппутуҥ тупса турдун диэн алгыс бастыҥын аныыбыт, эҕэрдэ истиҥин тиэрдэбит. Биһиги эйигинэн киэн туттабыт, махтанабыт!