«Сахам Сирэ XXI үйэҕэ» хамсааһын чэрчитинэн 2017 сылтан Кэбээйи улууһун Лүксүгүн бөһүөлэгэр 35/18 миэстэлээх оскуола-саад тутулла турар. Бэдэрээтчитинэн Николай Теплоухов генеральнай дириэктэрдээх “Тиит” ХЭТ буолар. Атырдьах ыйын 26-28 күннэригэр Кэбээйи улууһун баһылыга Иван Левин көҕүлээһининэн саҥа оскуола-саадка улуус дьаһалтатын исписэлиистэрэ субуотунньуктаан улахан көмөнү оҥордулар.
Иван Левин нэһилиэнньэни кытта көрсүһүүтүгэр сүрүннээн улууска туох үлэлэр бара туралларын билиһиннэрдэ. Түргэн оптоволоконнай сибээс киириитэ сэтинньи ыйга былааҥҥа баарын эттэ. 2021 сылтан Лүксүгүҥҥэ спортивнай саала тутуута саҕаланыахтаах.
Оскуола тутуутугар олохтоох нэһилиэнньэ күргүөмүнэн субуотунньуктаан көмөлөһөрө атын нэһилиэктэргэ улахан холобур буоларын улуус баһылыга бэлиэтээтэ.
«Маннык тэрээһиннэр үгэскэ кубулуйан салгыы салҕанан баран иһиэхтэрэ диэн эрэнэбит. Олохтоох дьаһалта уонна Лүксүгүн олохтоохторун аатыттан махталбытын тиэрдэбит», – диэн Светлана Аржакова, Лүксүгүн олохтооҕо тус санаатын үллэстэp
Commentaires